პრეზიდენტის ხვალინდელი გამოსვლა პარლამენტში უმრავლესობის ინიციატივით გადაიდო. ამის შესახებ სააგენტო „ჯი-ეიჩ-ენთან" საუბრისას საპარლამენტო უმცირესობის ერთ-ერთმა ლიდერმა, გოგა ხაჩიძემ განაცხადა. ხაჩიძის განმარტებით გადაწყვეტილება ამის შესახებ უმრავლესობაში იქნა მიღებული. შეგახსენებთ,რომ რამდენიმე დღის წინ პარლამენტმა გაავრცელა განცხადება, სადაც აღნიშნული იყო, რომ პრეზიდენტის გამოსვლა პარელამენტში 8 თებერვალს შედგებოდა.
„კონსულტაციების შედეგად გადაწყდა, რომ საქართველოს კონსტიტუციით გათვალისწინებული საქართველოს პრეზიდენტის ყოველწლიური გამოსვლა საქართველოს პარლამენტში შედგება 8 თებერვალს, პარასკევს, 14:00 საათზე.
საქართველოს პარლამენტის აპარატის საზოგადოებასთან ურთიერთობისა და ინფორმაციის დეპარტამენტის ინფორმაციით, პრეზიდენტის გამოსვლის განხილვის ფორმატის თაობაზე გრძელდება კონსულტაციები საპარლამენტო უმრავლესობასა და უმცირესობას შორის და საბოლოო გადაწყვეტლებას, 5 თებერვალს, პარლამენტის ბიურო მიიღებს"- განმარტებული იყო პარლამენტი მიერ გავრცელებულ განცხადებაში.
