ალასანიას შემთხვევაში ივანიშვილის მხრიდან პირად შურისძიებასთანაც გვქონდა საქმე, - ამის შესახებ განცხადება პოლიტიკური გაერთიანება "იმედის" ხელმძღვანელმა ირინა სარიშვილმა "პრაიმტაიმის" პრესკლუბში გააკეთა.
მისი თქმით, ირაკლი ალასანია დაიტუქსა იმის გამო, რის გამოც არ უნდა დატუქსულიყო.
"მე მგონი ალასანიას შემთხვევაში ივანიშვილის მხრიდან პირად შურისძიებასთანაც გვქონდა საქმე. თუ გავითვალისწინებთ პრემიერი განცხადებას ალასანიას დუბაიში ვოიაჟთან დაკავშირებით. ალასანია ისევე როგორც გუბაზ სანიკიძე არჩევნებამდე ცნობილ სატელეფონო საუბრებში ფიგურირებდა. ის უსიამოვნოდ შეეხო ივანიშვილს და მის ოჯახს. აქიდან გამომდინარე მაშინ მომღიმარმა ივანიშვილმა ლოზუნგით ოჯახი-ოჯახის წილ გადაიხადა სამაგიერო", -აცხადებს სარიშვილი.
