ოპოზიციის ლიდერი პრეზიდენტი დღეს არსებული უფლებებით არ უნდა იყოს აღჭურვილი. ამის შესახებ ზურაბ აბაშიძემ პარლამენტში საკონსტიტუციო ცვლილებების შესახებ გამართული დებატებისას განაცხადა.
"მინდა, ვთქვა, რომ აქ სახელმწიფო გადატრიალების ელემენტებია თავისთავად. როდესაც სააკაშვილი გამობრძანდა, თქვა, რომ ის არის ოპოზიციაში და არის ოპოზიციის ლიდერი, მაშინ მას რატომ უნდა ჰქონდეს ეს ფუნქცია. ოპოზიციაში მყოფ პრეზიდენტს, რომელიც თვითონ აღირებს, რომ არის ოპოზიციაში, რატომ უნდა ჰქონდეს ასეთი უფლებები. სრულიად მიუღებელი და წარმოუდგენელია", - განაცხადა აბაშიძემ.