ევროპული ორიენტაცია იყოს ეს ის საერთო თემა, რომელიც გაგვაერთიანებს. ამის შესახებ საპარლამენტო უმცირესობის ლიდერის დავით ბაქრაძე უმრავლესობას მიმართა.
"მიუხედავად იმისა, დარბაზის რომელ მხარეს ვიმყოფებით დღეს, ჩვენ ვართ საერთო ნავში, რომლის ჯანჯღარი და გადატრიალება ყველას დააზიანებს. ჩვენი საერთო ინტერესია, რომ ქვეყანაში გავიდეთ სტაბილურობის ნორმალურ ხარისხზე. ამას ჭირდება საერთო თემების მოძებნა. ძალიან ადვილად მოვძებნით თემებს, რომელზეც ვიჩხუბებთ, ვიკამათებთ და ერთმანეთს გავლანძღავთ. ძალიან რთულია იმ თემების მოძებნა, სადაც ჩვენ გვექნება საერთო", - განაცხადა ბაქრაძემ და დასძინა, -"თუ თქვენც ამბობთ, რომ ევროპული ორიენტაცია თქვენი არჩევანია, ჩვენც ვამბობთ და დიდი ხანია, ამას ვამტკიცებთ, იყოს ეს ის საერთო თემა, რომელიც გაგვაერთიანებს".
