კოალიცია ,,ქართული ოცნების" დეპუტატმა ნუკრი ქანთარიამ სესია პროტესტის ნიშნად დატოვა. როგორც ,,ჯი-ეიჩ-ენთან" საუბარში ქანთარიამ განმარტა მიზეზი გახდა ის, რომ პარლამენტის თავმჯდომარემ საშუალება არ მისცა ,,ნაციონალური მოძრაობის" წევრების მიერ გაკეთებული განცხადებებისთვის ეპასუხა.
"დღეს პარლამენტში განცხადებებისა და დებატების დღეა და ძირითათად ,,ნაციონალების"' მარგალიტები მოვისმინეთ და მეც მქონდა განცხადება გასაკეთებელი, რადგან არ მინდოდა უპასუხოდ დარჩენილიყო მათი განცხადებები, მაგრამ განცხადებებისთვის განკუთვნილი დრო ამიწურა და პარლამენტის თავმჯდომარისგან მოვითხოვე, ნახევარი საათით დროის გახანგრძლივება თუმცა ჩემი წინადადება უსუფაშვილმა არ მიიღო და პროტოკოლს დაემორჩილა", -განაცხადა ქანთარიამ და აღნიშნა, რომ რეგლამენტის მიხედვით დავით უსუფაშვილს შეეძლო განცხადებებისთვის გამოყოფილი პერიოდის ნახევარი საათით გახანგრძლივება.