საქართველოს საგარეო საქმეთა მინისტრის ესტონეთში ოფიციალური ვიზიტის ფარგლებში მაია ფანჯიკიძე ესტონეთის პრეზიდენტმა, ტომას ჰენდრიკ ილვესმა მიიღო.
შეხვედრაზე მხარეებმა საქართველოსა და ესტონეთს შორის არსებული პარტნიორული ურთიერთობები განიხილეს; ისაუბრეს პოლიტიკური, ეკონომიკური და კულტურული თანამშრომლობის პერსპექტივებზე.
საუბარი შეეხო საქართველოს ევროპულ და ევროატლანტიკურ მისწრაფებებს და საქართველოს ურყევ კურს აღნიშნული მიმართულებით.
ტომას ჰენდრიკ ილვესმა ხაზი გაუსვა საქართველოსადმი ესტონეთის უპირობო მხარდაჭერას.
დღეს, ვიზიტის ფარგლებში, მაია ფანჯიკიძემ ასევე შეხვედრა გამართა ესტონეთის კულტურის მინისტრთან, ლეინ ლენგთან.
