" რუსეთის ფედერაციის საგარეო საქმეთა სამინისტროში დღეს გამართულ ბრინფინგზე როგორც ჩანს, საქართველოს დსთ-ში გაწევრიანების შესახებ საუბარი არ იქნება ან გაკეთდება განცხადება იმის თაობაზე, რომ ევდოკიმოვის მიერ გაკეთებული განცხადება "არასწორად იქნება გაგებული და ინტერპრეტირებული".
გაზეთ "კომერსანტის" ინფორმაციით, რუსეთის საგარეო საქმეთა მინისტროს ინფორმაციისა და ბეჭდვის ინფორმაციის კომიტეტში დღეს მათ განუმარტეს, რომ "თბილისთან მოლაპარაკებების დღის წესრიგში საქართველოს დსთ-ში დაბრუნების თემა ჩანიშნული არ არის".
"რუსეთის საგარეო საქმეთა სამინისტროში განმარტეს, რომ ევდოკიმოვის განცხადებები აბსოლუტურად არასწორად იქნა გაგებული და ინტერპრეტირებული", - წერს "კომერსანტი".
შეგახსენებთ, რომ გუშინ ტელეკომპანია RTVI-მ გაავრცელა ინფორმაცია იმის შესახებ, რომ მათ ტელეკომპანიას რუსეთის საგარეო უწყებაში განუცხადეს, რომ საქართველოს დსთ-ში დაბრუნებასთან დაკავშირებით მიმდინარე მოლაპარაკებების დეტალების განმარტება დღეს რუსეთის საგარეო უწყებაში გამართუ ბრიფინგზე იქნება გაკეთებული.
"მოსკოვში მზად არიან საქართველოს დსთ-ში დაბრუნებასთან დაკავშირებით მიმდინარე მოლაპარაკებების დეტალები განმარტონ" - აცხადებდა ტელეკომპანია RTVI-ის მიერ მომზადებულ სიუჟეტში ჟურნალისტი.
"როგორც RTVI-ის სმოლენსკის მოედანზე შეატყობინეს მიმდინარე კვირის ბოლოს დაგეგმილია საგარეო საქმეთა სამინისტოს ოფიციალური ბრიფინგი, რომლის მთავარი თემა საქართველოსთან დსთ-ში დაბრუნების შესახებ მოლაპარაკებები იქნება", _ აცხადებდა ჟურნალისტი.
"31 იანვარს რუსეთის საგარეო საქმეთა სამინისტროს პრეს-ცენტრში რუსეთის საგარეო საქმეთა სამინისტროს ოფიციალური წარმომადგენლის ა.კ. ლუკაშევიჩის ბრიფინგი საგარეო პოლიტიკის მიმდინარე საკითხებზე გაიმართება",_ იუწყება რუსეთის საგარეო უწყების ოფიციალური გვერდი.
მასალის გამოყენების პირობები
