სტრასბურგში ევროსაბჭოს ხელმძღვანელობასთან საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის შეხვედრა გაიმართა.
სხდომაზე საქართველოს პარლამენტის წევრმა ოთარ ჩრდილელმა მიხეილ სააკაშვილის უფლებამოსილებისა და საპრეზიდენტო ვადის გასვლაზე გაამახვილა ყურადღება.
ჩრდილელის თქმით, მან საპარლამენტო ასამბლეის გენერალური მდივანს, ვოიცეხ სავიცკის განუცხადა, რომ 21 იანვრის შემდეგ მიხეილ სააკაშვილს როგორც საქართველოს პრეზიდენტს არ ცნობს.
"პირადად მე ცალსახად განვუცხადე ევროსაბჭოს ხელმძღვანელობას და საპარლამენტო ასამბლეის გენერალური მდივანს, ბატონ ვოიცეხ სავიცკის, რომ მიხეილ სააკაშვილი უკვე არის ყოფილი პრეზიდენტი და რომ, მე როგორც საქართველოს პარლამენტის წევრი არ ვცნობ მის პრეზიდენტობას 21 იანვრის შემდეგ", - აცხადებს ჩრდილელი.