მიკროავტობუსების მძღოლების წინაშე არსებული პრობლემების მოგვარების მიზნით, დედაქალაქის მერია გაფიცულებსა და კომპანიას შორის მიმდინარე მოლაპარაკებებში ჩაერთო. დედაქალაქის მერი წერილობით მიმართავს პარლამენტს ინიციატივით, რომელიც გულისხმობს მძღოლებისათვის ყოველთვიურად ფიქსირებული გადასახადის დაწესებას, არაუმეტეს 10 ლარისა.
"მიკროავტობუსების მძღოლების წინაშე არსებული პრობლემების მოგვარების მიზნით, თბილისის მერია მძღოლებსა და კომპანიას შორის არსებულ მოლაპარაკებაში ჩაერთო. მათთან გამართული შეხვედრის შედეგად, ერთ-ერთ ძირითად პრობლემად გადასახადის მაღალი განაკვეთი დასახელდა, რომლის გადახდაც მათ, როგორც ინდივიდუალურ მეწარმეებს უწევთ. აღნიშნული საკითხის დადებითად გადაწყვეტის მიზნით, დღესვე თბილისის მერმა საქართველოს პარლამენტს საკანონმდებლო ინიციატივით მიმართა, რომლის თანახმად, მიკროავტობუსის მძღოლების საქმიანობა ფიქსირებული გადასახადით დაიბეგრება, ხოლო გადასახდელი თანხის მაქსიმალური ზღვარი ყოველთვიურად არაუმეტეს 10 ლარის ოდენობით განისაზღვრება", - ნათქვამია მერიის განცხადებაში. .
