აშშ-ის პრეზიდენტს, ბუზმა უკბინა. თავდასხმა ბარაკ ობამაზე ადმინისტრაციის ორი ახალი წევრის წარდგენისას მოხდა. პრეზიდენტის გამოსვლის დროს, მას თავზე მწერი დასტრიალებდა და შემდეგ ქვეყნის პირველი პირის შუბლზეც მოიკალათა. „ამ ბიჭმა თავი მომაბეზრა!" - წამოიძახა პრეზიდენტმა.
ეს პირველი შემთხვევა არ არის, როცა მნიშვნელოვან შეხვედრაზე ობამას ბუზები ესხმიან თავს. 2012 წელს, ერთ-ერთი გამოსვლისას, მას ბუზი ნიკაპზე დააჯდა, ამერიკის პრეზიდენტმა თავის გაქნევით და ხელების მოშველიებით მოიშორა აბეზარი მწერი. ამჟამად, ობამამ ბუზი არ მოკლა, რათა მწვანეები არ გაებრაზებინა.
2009 წელსაც, ტელეკომპანია CNBS-სთან ინტერვიუში, რომელიც პირდაპირ ეთერში გადაიცემოდა, ბუზი შეეცადა პრეზიდენტზე მოკალათებულიყო, თუმცა, პირველმა პირმა ის ერთი დარტყმით მოკლა. „მშვენიერია! მე ეს შევძელი!" - გაუხარდა ობამას. მან ოპერატორებს შესთავაზა კიდეც, რომ კამერები მოეტრიალებინათ და „გვამი" პუბლიკისთვის ეჩვენებინათ, თუმცა, პრეზიდენტს სიხარული ძვირად დაუჯდა, ის, ბუზის სასტიკი მკვლელობის გამო, გარემოს დამცველების მკვეთრი კრიტიკის ობიექტი გახდა.