მიხეილ სააკაშვილი პრეზიდენტის რანგში პარლამენტის წინაშე ბოლო ანგარიშით 6 თებერვალს წარსდგება. თებერვლის პირველ სამშაბათს მე-8 მოწვევის პარლამენტის საგაზაფხულო სესია იხსნება. მიხეილ სააკაშვილი კი ანგარიშით 6 თებერვალს პლენარულ სხდომაზე გამოვა.
აღსანიშნავია, რომ პრეზიდენტს პირველად მოუწევს პარლამენტის ისეთი შემადგენლობის წინაშე გამოსვლა, რომელშიც მისი პარტია, "ნაციონალური მოძრაობა" უმცირესობაშია.
შეგახსენებთ, რომ საქართველოს პრეზიდენტი ტრადიციულად, წელიწადში ერთხელ პარლამენტს ქვეყნის მდგომარეობის უმნიშვნელოვანეს საკითხებზე მოხსენებას წარუდგენს. ეს პარლამენტის წინაშე პრეზიდენტის მე-10 გამოსვლა იქნება.
