ტერიტორიული მთლიანობის აღდგენის საკითხთა დროებითი კომისიის თავმჯდომარე გიორგი ვოლსკი სააგენტო "ჯი-ეიჩ-ენისათვის" მიცემულ ინტერვიუში აცხადებს, რომ მისი აზრით, მარტში დაგეგმილ ჟენევის საერთაშორისო მოლაპარაკებებზე ჩვენი დელეგაცია დაასაბუთებს თუ რა საჭიროა მეორე კომიტეტი და რატომ არ უნდა მოხდეს ორი სამუშაო ჯგუფის გაერთიანება.
"მე პირდაპირ ჩართული არა ვარ ამ მოლაპარაკებებში, მაგრამ მოდით საკითხი დავსვათ ასე რაც გვაძლევს ის, რომ ამ სამუშაო ჯგუფებმა მუშაობა შეწყვიტონ? რას გვაძლევს ეს? ალბათ, მარტში ამაზე იქნება საუბარი დელეგაციის წევრებს შორის და იმაზეც თუ რა შედეგის მომტანი იქნება ეს.
პირველი ჯგუფი არის უსაფრთხოების საკითხებზე მომუშავე საკითხთა ჯგუფი, მეორე ჯგუფში, რომელიც ჰუმანიტარულ საკითხებზე მუშაობს რა, ამოვწურეთ ყველა საკითხი, რომელიც ჰუმანიტარუს თემებს ეხება? ნამდვილად არ ამოგვიწურია! იმათ აქვთ არგუმენტი, ამბობენ, რომ ვინაიდან თქვენ ჰუმანიტარული საკითხი გაიტანეთ გაეროს გენასამბლეაზე სამსჯელოდ და რაღა საჭიროა ეს მეორე კომიტეტი?! ვფიქრობ, რომ მარტში ჟენევაში ჩვენი დელეგაცია დაასაბუთებს თუ რა საჭიროა მეორე კომიტეტი, რომ დევნილთა საკითხების გარდა და დევნილთა საკითხები თავისთავად არსებობს და არსებობს კიდევ სხვა უამრავი საკითხი, რომელიც ეხება თუნდაც დაკარგულებს როგორც ერთი ისე მეორე მხრიდან, და ასევე ბევრ სხვა თემას, ხატოვნად რომ ვთქვათ შეიძლება ბევრ სხვა "ჭრილობაზე" საუბარი რომელიც ამ ომებმა დაგვამჩნია", _ აცხადებს ვოლსკი და დასძენს, რომ ასე რომ, "იქნება ეს პირველი კომიტეტი, თუ მეორე კომიტეტი თუ მესამე კომიტეტი ეს კრილოვის იგავარაკივით რომ არ გამოვიდეს, რამდენი კომიტეტიც არ უნდა შექმნან, გადაანაცვლონ, სახელები შეუცვალონ, შედეგი თუ არ იქნება და იდეა თუ არ ექნა, ვფიქრობ, რომ არავითარი აზრი ამაზე ლაპარაკს არა აქვს".
