საქართველოს პრემიერ-მინისტრი ვერ გაექცევა პასუხისმგებლობას იმაზე, რა გადაწყვეტილებაც მან ერთპიროვნულად მიიღო, - განაცხადა საქართველოს პრეზიდენტმა მიხეილ სააკაშვილმა სომეხი პატიმრის, ვაჰაგნ ჩახალიანის გათავისუფლების შესახებ. მისი თქმით, ეს
"მინდა, განცხადება გავაკეთო კრიმინალის, საქართველოს სახელმწიფოს მტერ ჩახალიანის გათავისუფლებასთან დაკავშირებით. როგორც გაირკვა, ეს ადამიანი გაათავისუფლეს სომხეთის კათოლიკოსის, გარეგინ მეორეს თხოვნით, რომლითაც მან მიმართა საქართველოს პრემიერ-მინისტრს. მე მოვისმინე პრემიერ-მინისტრის განმარტებები ამის თაობაზე და სრულიად არადამაკმაყოფილებად ჩავთვალე. საქართველოს პრემიერ-მინისტრი ვერ გაექცევა პასუხისმგებლობას იმაზე, რა გადაწყვეტილებაც მან ერთპიროვნულად მიიღო და ესაა ძალიან მძიმე პასუხისმგებლობა საქართველოს ეროვნული უსაფრთხოების წინაშე. მან, მე ვფიქრობ, დაუშვა ძალიან მძიმე გადაცდომა, რომელიც ძალიან მძიმედ შემოუბრუნდება ქართველ ერს და საქართველოს სახლმწიფოებრიობას უახლოესი კვირების, წლების განმავლობაში", - განაცხადა მიხეილ სააკაშვილმა.
