"თბილისის მერის მიერ საკრებულოსთვის შეთავაზებული ინიციატივა თბილისის ათ რაიონად დაყოფის შესახებ სპონტანური, ნაჩქარევი და ფრაგმენტულია"-ამის შესახებ განცხდება, საკრებულოს წევრმა, პოლიტიკური გაერთიანება "ახალი მემარჯვენეების" წარმომადგენელმა , მამუკა კაციტაძემ , საკრებულოში გამართულ პრესკონფერენციაზე ,გააკეთა. კაციტაძის თქმით, მერის ინიციატივა დედაქალაქის წინაშე არსებული უფრო ფართო მასშტაბის პრობლემების დარეგულირებას ვერ უზრუნველყოფს.
"დედაქალაქის მერის ამ ინიციატივის განხორციელება, ერთი მხრივ, დედაქალაქის ბიუჯეტის ხარჯების ზრდას გამოიწვევს, მეორე მხრივ , ვერ მოაგვარებს იმ პრობლემებს, რომელიც დედაქალაქის წარმომადგენლობითი და აღმასრულებელი ორგანოების მარათული ფუნქციონირების და ეფექტურობის თვალსაზრისით არსებობს",- განაცხადა კაციტაძე.
მისი თქმით, თბილისი ყველაზე დიდი მუნიციპალიტეტია საქართველოში და მისი ადდმინისტრაციულ-ტერიტორიული დაყოფა თუ ზოგადად თვითმმართველობის ფუნქციონირება ერთ-ერთი ყველაზე პრინციპული საკითხია. განსაკუთრებით მაშინ, როცა 2014 წლის ადგილობრივი თვითმმართველობის არჩევნების წინ ქვეყანაში დაგეგმილია თვითმმართველობის ორგანოების გლობალური რეფორმა და სერიოზული ცვლილებების განხორციელება ამ მიმართულებით. .
