ფრაქცია „ერთიანი ნაციონალური მოძრაობის" თავმჯდომარე გოკა გაბაშვილი „ქართულ ოცნებას" აფრთხილებს, რომ საკონსტიტუციო ცვლილებების პროექტების განხილვას ხელი არ შეუშალოს. აღნიშნულის შესახებ პარტიის ოფისში გამართულ პრესკონფერენციაზე ,,ნაციონალური მოძრაობის" ერთ-ერთმა ლიდერმა გიორგი გაბაშვილმა განაცხადა.
,,იმ შემთხვევაში თუ საკონსტიტუციო განხილვები გაგრძელდება ისე, როგორც ახლა მიმდინარეობს, იმ შემთხვევაში თუ ამ განხილვების დროს ჩვენ არ მოგვეცემა საშუალება წყნარად, მშვიდად, საქმიან ვითარებაში გამოვხატოთ ჩვენი პოზიცია და საზოგადოებას ჩვენი არგუმენტები შევთავაზოთ და ,,ქართულმა ოცნებამ"' გააგრძელებს თავისი აქტივისტების შეკრებას მხოლოდ ერთადერთი მიზნით, რომ, ფაქტობრივად, ჩაშალოს შეხვედრები და სიტყვიერი შეურაცხყოფის ასპარეზად აქციოს, ამ შემთხვევაში აზრს კარგავს ამგვარ განხილვებში მონაწილეობის მიღება", -განაცხადა გაბაშვილმა და აღნიშნა, რომ თუ ერთხელ მაინც საკონსტიტუციო ცვლილებებთან დაკავშირებით სახალხო განხილვები კიდევ ჩაიშლება, ან ოპოზიციის შეურაცხყოფის ფონზე წარიმართება ,,ნაციონალური მოძრაობა" შეხვედრებში მონაწილეობას აღარ მიიღებს.
შეგახსენებთ, რომ საკონსტიტუციო ცვლილებებთან დაკავშირებით, რომელიც პარლამენტის ადგილმდებარეობის შეცვლასა და პრეზიდენტის უფლებამოსილების შემცირებას ითვალისწინებს სახალხო განხილვები იმართება.