უშიშროების ყოფილი მინისტრი ვალერი ხაბურძანია პოლიტიკაში ბრუნდება, - ამის შეხებ მან გაზეთ "ალიასთვის" მიცემულ ინტერვიუში განაცხადა. მისი თქმით, რადგან 8-წლიანი დუმილი დაარღვია ეს ნიშნავს, რომ პოლიტიკაში დაბრუნდა. რაც შეეხება შეკიტხვას მიიღო თუ არა რაიმე შეტავაზება ხაბურძანია ამბობს: "ვნახოთ მოვლენების განვითარება, ბევრს იქეთ შეიძლება შეთავაზო რაღაცეები".
"რაც შეეხება ჩემ „თავისუფლება"-ს დუმილის ნაცვლად. პოლიტიკური დუმილი ჩემი და სწორი არჩევანი იყო. როცა ადამიანი პოლიტიკაში ხარ, და საერთოდაც, მარტო შენს თავზე არ უნდა ფიქრობდე. შენ პრინციპულობით შეფუთულ ჯიუტ უტვინობას არ უნდა გადააყოლო სხვა ადამიანები. უშიშროების სამინისტროში ბევრი იქექეს ფინანსურადაც და პოლიტიკურადაც. ნამდვილად წავიტრაბახებ და ვიტყვი - სამინისტროს მუშაობის სპეციფიკის მიუხედავად, მთელი საქმიანობა ჩატეული მქონდა კანონიერების ფარგლებში. მე, ჩემთან მიმართებაში ხელისუფლება პრინციპიდან - არაა ადამიანი არაა პრობლემა - გადავიყვანე რეჟიმში - არაა პრობლემები არაა ადამიანი. ეს მოვახერხე პოლიტიკური დუმილით. აბდიკაციის პერიოდში, რაც ჩემზე იყო დამოკიდებული, ის მოვახერხე, რომ მძაფრი საკითხები უშუალოდ ჩემ თავზე მიმეღო და ამეღო, რითაც უშიშროების სისტემის კადრები გადავარჩინე გარდაუვალ რეპრესიებს. უფრო მეტიც, ეს კადრები იქცნენ შემდეგში ნაცმოძრაობის, და თქვენ წარმოიდგინეთ, ახლა უკვე ქართული ოცნების ძალოვან დასაყრდენად. ბევრს ეცადნენ, ჩემი თანამშრომლებისაგან მიეღოთ ჩვენებები ჩემი კორუმპირებულობის შესახებ, მაგრამ მერე დარწმუნდნენ, რომ პრინციპით ყველაფერი ფარდობითია, სამინისტრო, ჩვენს პერიოდში, ამ მხრივ, უკანასკნელ თუ არა, ერთ-ერთ ბოლო ადგილზე იდგა", - აცხადებს "ალიასთან" საუბარში ხაბურძანია.
