სრულიად საქართველოს კათალიკოს პატრიარქმა რუსეთის პრეზიდენტს ვლადიმერ პუტინს საქართველოს ახალი პრემიერ-მინისტრისგან მოკითხვა გადასცა. ინფორმაციას ამის შესახებ რუსული მედია პატრიარქისა და პრეზიდენტის შეხვედრის დასრულების შემდეგ ავრცელებს.
"მინდა ჩვენი ახალი პრემიერიდან თქვენ მოკითხვა გადმოგცეთ. ის ყველაფერ აუცილებელს აკეთებს იმისათვის, რომ რუსეთთან ურთიერთობა დაალაგოს. მიმაჩნია, რომ ის პრობლემები, რომლებიც ჩვენს შორის არსებობს აღმოიფხვრება და ჩვენ კვლავინდებურად ძმები ვიქნებით", _ ბრძანა საქართველოს პატრიარქმა რუსეთის პრეზიდენტთან საუბრისას.
აღნიშნული შეხვედრა რუსეთის პრეზიდენტის ნოვო-ოგორიოვოს რეზიდენციაში გაიმართა.
