ფინანსთა მინისტრი ნოდარ ხადური ქვეყნის პრემიერ-მინისტრისა და თავდაცვის მინისტრის ირაკლი ალასანიას საუბრის დეტალებს ასაჯაროებს და განმარტავს, რომ ერთგვარი შეთანხმება ირაკლი ალასანიას ვიცე-პრემიერობის პოსტიდან წასვლის შესახებ მთავრობის სხდომაზე მოხდა.
"არის ძალიან სერიოზული პროცესები. როგორც იცით, 4 წელიწადში საქართველოს ჯარი პროფესიონალური უნდა გახდეს, ამიტომ საქმისთვის უმჯობესი იქნებოდა, რომ ირაკლი ალასანიას ყურადღება მთლიანად ერთ კონკრეტულ სამინისტროს მოხმარდეს და სწორედ ამიტომაა ეს გადაწყვეტილება მიღებული"- განაცხადა ფინანსთა მინისტრმა.
შეგახსენებთ, რომ ბიძინა ივანიშვილის 21 იანვრის ბრძანებულებით ირაკლი ალასანიას ვიცე-პრემიერის უფლებამოსილება შეუჩერდა.