ფინანსთა მინისტრი ინვესტორებს მომავალ კვირაში აშშ-ში შეხვდება, ამის შესახებ განცხადება თავად ნოდარ ხადურმა გადაცემა „აქცენტებში" სტუმრობისას განაცხადა.
„მე ხშირად ვხვდები ინვესტორებს და მომავალ კვირაში აშშ-ში ვხდები სერიოზულ ინვესტორებს. ეკონომიკის სამინისტრომ გააკეთა განცხადება, რომ 2013 წელს ინვესტიციების მოცულობა 2 მლრ. დოლარი იქნება. სხვათაშორის 250 მლნ დოლარის კაპიტალის დაბანდება უკვე დაგეგმილია მეტალურგიაში. ფოთის პორტის ახლოს ქარხანა შენდება და ესენი არიან აზერბაიჯანელი ინვესტორები. ასევე დაახლოებით 1 მლრდ. დოლარის ინვესტიციის განხორციელებას აპირებენ ასევე აზერბაიჯანელები შავი ზღვის სანაპიროზე ნავთობპროდუქტების გადამამუშავებელი საწარმოს ასაშენებლად"- აცხადებს ნოდარ ხადური. მინისტრის თქმით ის უკვე შეხვდა უკრაინელ და ისრაელელ ბიზნესმენებს და მათ საქართველოსთან მიმართებაში სერიოზული გეგმები აქვს.
