,,არა თუ თავის დროზე, ახლაც მომხრე ვარ ღირებულებითად, რომ ჩვენს ქვეყანაში იყოს საპრეზიდენტო რესპუბლიკა, ძლიერი საპარლამენტო ზედამხედველობით ეს არის ის განსხვავება, რომელიც ჩვენ გვაქვს კოალიციაში შემავალ პარტნიორ პარტიებთან თუნდაც ,,რესპუბლიკურ პარტიასთან." ჩემი აზრით, ეს საკითხი უნდა გახდეს საზოგადოების გადასაწყვეტი - შეძლება რეფერენდუმზე, პლებისციტზე სამომავლოდ იქნას გატანილი. თუმცა რაც შეეხება საპრეზიდენტო კანდიდატს ეს არის ჯერ ძალიან ნაადრევი საკითხი. ჩვენ, კოალიციაში ამ საკითხზე საუბარი არ გვქონია, თუმცა არ დაგიმალავთ, რომ ჩვენ პარტიაში ,,თავისუფალ დემოკრატებში" რახან უკვე დადგა საპრეზიდენტო არჩევნების წელი, გვქონდა პოზიციების გაცვლა - ვაპირებთ თუ არა გვყავდეს ჩვენი საპრეზიდენტო კანდიდატი, რომ კოალიციას შევთავაზოთ. მე არ დაგიმალავთ იმასაც, რომ ჩვენ საკმაოდ მძიმე საუბარი გვქონდა პრემიერ-მინისტრთან რამდენიმე დღის წინ, ამ საკითხზე. პრემიერ-მინისტრს გარკვეული შეშფოთება ჰქონდა იმასთან დაკავშირებით, რომ საპრეზიდენტო კანდიდატის განხილვა მათსთან შეუთანხმებლად ხდებოდა", -განაცხადა ალასანიამ და აღნიშნა, რომ საპრეზიდენტო კანდიდატი ერთობლივი კონსულტაციის შედეგად უნდა დასახელდეს.

,,მე, პირადად ვეთანხმები პრემიერ-მინისტრს, რომ საპრეზიდენტო კანდიდატი კოალიციის მიერ ერთად შეჯერებული უნდა იყოს, ეს უნდა იყოს შეჯერებული კოალიციის ლიდერთან ბატონ ბიძინა ივანიშვილთან. აქედან გამომდინარე ჩვენ საუბარი გვქონდა ამ თემაზე. მე თავად არ მესიამოვნა ასეთი უხერხული საუბარი და მიზეზი, რომ გაჩნდა ასეთი უხერხულობის. დაძაბულობა არ არის, ეს არის უბრალოდ ჯანსაღი საუბარი ხელმძღვანელსა და მისი გუნდის წევრს შორის და ეს არის ბუნებრივი. ასეთი ღია საუბარი რომ არ გვქონდეს პრემიერ-მინისტრთან, ბუნებრივია, ცუდი ეს იქნებოდა. აქედან გამომდინარე ჩვენ საუბარი გვქონდა იმასთან დაკავშირებით, რომ ჩვენ გავაგრძელებთ ერთობლივ მუშაობას, რადგან ვართ ერთი გუნდი და როდესაც დადგება მომენტი ამ საკითხის გადაწყვეტის ჩვენ, კოალიცია ამ საკითხს ერთად გადავწყვეტთ", -განაცხადა ალასანიამ.