შინაგან საქმეთა სამინისტროში, საქართველოში აკრედიტებული პოლიციისა და უსაფრთხოების ატაშეებთან სამინისტროს წარმომადგენლების სამუშაო და გაცნობითი შეხვედრა გაიმართა.
სტუმრებს შორის იყვნენ სამართალდაცმველები ავსტრიიდან, საფრანგეთიდან, ამერიკის შეერთებული შტატებიდან, სომხეთიდან და აზერბაიჯანიდან.
შეხვედრის მონაწილეებმა 2013 წლის ერთობლივი თანამშრომლობის ფორმები და სამომავლო გეგმები განიხილეს. მხარეებმა დანაშაულთან ბრძოლის ოპერატიულ და არაოპერატიულ ღონისძიებებზეც იმსჯელეს. მსგავსი შეხვედრები, რომლებიც გამოცდილების გაზიარებას და ორგანიზებულ დანაშაულთან ბრძოლას შეუწყობს ხელს, მომავალშიც იგეგმება.
