საგარეო საქმეთა მინისტრის მოადგილემ ნიკოლოზ ვაშაკიძემ თანამდებობა დატოვა. როგორც "ჯი-ეიჩ-ენს" საგარეო საქმეთა სამინისტროს პრესსამსახურში განუცხადეს, ვაშაკიძემ დაკავებული თანამდებობა საკუთარი განცხადების საფუძველზე დატოვა.
"ნიკოლოზ ვაშაკიძემ ტანამდებობა პირადი განცხადების საფუძველზე დატოვა. მინისტრმა მწუხარება გამოთქვა მის სურვილი გამო და მას დიპლომატიურ სამსახურში საქმიანობა შესთავაზა, თუმცა ვაშაკიძის განმარტებით მას სხვა გეგები აქვს და დიპლმატიური საქმიანობის გაგრძელებას აღარ აპირებს", - განუცხადეს "ჯი-ეიჩ-ენს" საგარეო საქმეთა სამინისტროში.
ნიკოლოზ ვაშაკიძე საგარეო საქმეთა მინისტრის მოადგილის თანამდებობაზე წინა ხეისუფლების დროს, გრიგოლ ვაშაძის მინისტრობის პერიოდშიც იკავებდა. მან ეს პოსტი ახალი ხელისუფლების მოსვლის შემდეგაც შეინარჩუნა.