იუსტიციის სამინისტროს საკონსტიტუციო ცვლილებებთან დაკავშირებით დამატებითი წინადადებები აქვს, _ აღნიშნულის შესახებ ჟურნალისტებთან ,,ქორთირად მარიოტში" მიმდინარე შეხვედრისას იუსტიციის მინისტრის მოდგილემ ალექსანდრე ბარამიძემ განაცხადა და იუსტიციის სამინისტროს ინიციატივა განმარტა.
,,ჩვენ მთლიანად ვეთანხმებით იმ კონსტიტუციურ კანონპროექტს, რომელიც წარადაგინა 78-მა პარლამენტის წევრმა. იუსტიციის სამინისტროს დამატებით აქვს თავისი მოსაზრებები გარკვეულ საკითხებთან დაკავშირებით, რომელიც კიდევ უფრო მკაფიოდ წარმოაჩენს თუ როგორ უნდა დაიძლიოს ქვეყანაში შესაძლო პოლიტიკური კრიზისი. კონკრეტულად, პრეზიდენტს არ უნდა ჰქონდეს უფლებამოსილება, რომ თავისი ინიციატივით მთავრობა დაითხოვოს, ეს მან მხოლოდ კონსტიტუციით გათვალისწინებულ შემთხვევაში უნდა გააკეთოს. მეორე_ პრეზიდენტი მთავრობას თუ დაითხოვს და სამჯერ წარუდგენს დასამტკიცებლად პარლამენტს მთავრობის შემადგენლობას, რომელსაც საკანონმდებლო ორგანო არ დაეთანხმება და ამის შემდეგ პრეზიდენტი პარლამენტს დაითხოვს კონსტიტუციით არაა დარეგულირებული ასეთ შემთხვევაში მთავრობის მოვალეობას ვინ შეასრულებს. ჩვენი ამოცანაა სწორედ ისაა, რომ საკონსტიტუციო ცვლილებებთან დაკავშირებით ეს ხარვეზი შევავსოთ. ამ შემთხვევაში ჩვენი წინადადებაა, რომ გადაყენებულმა მთავრობამ გააგრძელოს მოვალეობის შესრულება", -განაცხადა ალექსანდრე ბარამიძემ.
შეგახსენებთ, რომ ,,ქორთაირდ მარიოტში" საკონსტიტუციო ცვლილებების საჯარო განხილვა მედიის წარმომადგენლებთან იმართება. შეხვედრაზე განიხილავენ პარლამენტში ინიცირებულ საკონსტიტუციო ცვლილებებს. კერძოდ, კონსტიტუციიდან 42-ე პრიმა მუხლის ამოღების ინიციატივას, რომლის თანახმადაც, საკანონმდებლო ორგანოს ადგილმდებარეობად მხოლოდ ქალაქი ქუთაისია მინიშნებული. ასევე განიხილება პრეზიდენტისთვის მთავრობის ერთპიროვნულად დანიშვნის უფლებამოსილების გაუქმების ინიციატივა.
საკონსტიტუციო ცვლილეების საყოველთაო სახალხო განხილვის პროცესი ეროვნულ-დემოკრატიული ინსტიტუტის ორგანიზებით ხორციელდება.
მასალის გამოყენების პირობები