"ნუ დავყოფთ საზოგადოებას იმის მიხედვით, თუ ვინ - ვისთან მუშაობდა. მით უფრო, რომ პატარა ქვეყანაში ვცხოვრობთ, სადაც პროფესიონალი კადრების სიმცირეა. პატივი ვცეთ ერთმანეთს და დავაფასოთ ადამიანები მათი პროფესიონალიზმით. აქვე, მინდა მივმართო ყველას, ვისაც ჩემს ყოფილ საქმიანობაში ეჭვი ეპარება, რომ ჩემს საქმეებს გადახედონ და სასამართლოში გადაგზავნილ დოკუმენტაციას, რომელიც არ გაითვალისწინეს",-განაცხადა „ობიექტივის" ეთერში ლევან მამალაძემ.
მისი თქმით, სასამართლო არც დაინტერესებულა იმ დოკუმენტაციით, რაც მამალაძისადმი წაყენებულ ბრალდებებს აბათილებს და მის უდანაშაულობას ამტკიცებს.
„ჩემთვის პოლიტიკურად დევნილის სტატუსი უმნიშვნელოა, მთავარია საქართველოში დაბრუნების უფლება და საშუალება მომეცეს",- აღნიშნა მამალაძემ.
იგი მიმართავს მიხეილ სააკაშვილს და გამოთქვამს მზადყოფნას, პირდაპირ ეთერში ესაუბროს ნებისმიერ საკითხზე სააკაშვილს.
მისი თქმით, მან რამდენჯერმე სცადა სააკაშვილთან პირდაპირ ეთერში დებატები, თუმცა პრეზიდენტმა ამდენჯერვე თავი აარიდა.
