პრეზიდენტის განცხადებით საქართველოს საგარეო კურსის ორიენტაცია სომხეთის მაგალითზე არასწორია, _აღნიშნულის შესახებ მიხეილ სააკაშვილმა ევროსაბჭოს საპარლამენტო ასამბლეის პრეზიდენტის ჟან-კლოდ მინიონს შეხვედრის შემდეგ გამართულ ერთობლივ პრესკონფერენციაზე განაცხადა.
,,ყველას უნდა რუსეთთან კარგი ურთიერთობა ჰქონდეს განსაკუთრებით მაშინ როცა ის შენი მეზობელია, მაგრამ ის არა მხოლოდ ჩვენი მეზობელი, არამედ ჩვენი ქვეყნის 20%-ის ოკუპანტი ქვეყანაა. საქართველოს ახალი ხელისუფლების ახალი მოდელი მეზობელ სომხეთის მაგალითზეა აგებული. მას არ უნდა იყოს ნატოს ქვეყანა, მაგრამ არ ვფიქრობ, რომ ეს სწორი პოზიციაა", -განაცხადა მიხეილ სააკაშვილმა.
შეგახსენებთ, რომ პრეზიდენტის ადმინისტრაციის ინფორმაციით, სტრასბურგში ვიზიტის ფარგლებში დაგეგმილია ასევე პრეზიდენტის ორმხრივი შეხვედრები, ევროპის საბჭოს უფლებათა დაცვის კომისართან ნილს მუზნიეკსთან და ევროპის საბჭოს გენერალურ მდივანთან ტორბიონ იაგლანთან.
ასევე დაგეგმილია ევროპის ადამიანის უფლებათა დაცვის სასამართლოში საქართველოს პრეზიდენტის რამდენიმე შეხვედრა. მიხეილ სააკაშვილი ევროპის ადამიანის უფლებათა დაცვის სასამართლოს პრეზიდენტს დინ სპილმანს შეხვდება.
სტრასბურგში ვიზიტის ფარგლებში საქართველოს პრეზიდენტი სხვადასხვა კულტურულ ღონისძიებაში მიიღებს მონაწილეობას.
