უცნობმა თავდამსხმელებმა კოტ დივუარში, აბიჯანის პორტიდან ნავთობით სავსე ტანკერი გაიტაცეს. პორტის ხელმძღვანელობის განცხადებით, ტანკერი ჯერ კიდევ გასულ კვირას იქნა გატაცებული, თუმცა, ინფორმაცია მხოლოდ დღეს გახმაურდა.
პანამის დროშის ქვეშ მცურავი ტანკერი, ხუთი ათასი ტონა ნავთობით, უკვე მიადგა მეზობელი განას სანაპიროს. „ასოშეითედ პრესის" ცნობით, მას უცნობი შეიარაღებული პირები მართავენ. ტყვედ ჩავარდნილი მეზღვაურების ეროვნება და რაოდენობა არ ხმაურდება. არც ის არის ცნობილი, თუ როგორ მოხვდენენ ტანკერზე გამტაცებლები. ამ რეგიონში, გემების გატაცება ყველაზე ხშირად მდინარე ნიგერის რაიონში ხდება. ამ ტერიტორიაზე შეიარაღებული ბანდები მოქმედებენ, რომლებიც მეკობრეობით არიან დაკავებულნი.
