ყოფილი მთავრობის საპარლამენტო მდივანი არასამთავრობო ორგანიზაციას აფუძნებს. გია ხუროშვილის განმარტებით, მისი არასამთავრობო ორგანიზაცია ორიენტირებული იქნება სამართლებრივი გამჭირვალობის საკითხებზე. როგორც გია ხუროშვილი სააგენტო „ჯი-ეიჩ-ენთან" საუბრისას განმარტავს, არასამთავრობო ორგანიზაცია, ოფიციალურად, მომავალ კვირაში დაფუძნდება და აქტიურად იმუშავებს იმ პრობლემების გადაწყვეტაზე, რომელიც ხშირ შემთხვევაში ქვეყნის უმაღლესი პირებისთვის უცნობი იყო.
„მგონია, რომ პოლიტიკურად ნეიტრალური და პროფესიონალურად დასაბუთებული მონიტორინგი ხელისუფალის საქმიანობაზე არის ერთადერთი გზა, რომელიც ხელს შეუშლის ხელისუფლებას გარყვნაში, რისი საფრთხეც ყველგან და ყოველთვის არსებობს! ქვეყნის მმართველი არასოდეს არ უნდა ჩაიკეტოს 4-5 კაცთან ერთად და ისე არ უნდა მართოს ქვეყანა, მე ვიცი ბევრი არასამთავრობო ორგანიზაცია, რომელიც ამას წარმატებულად აკეთებდა, ისიც ვიცი, რომ ხშირად მათ კვლევებს ზოგჯერ არ უსმენდნენ, და სწორედ ამ ხალხთან თანამშრომლობით უნდა ავაშენოთ სამართლებრივი სახელმწიფო, სადაც დამნაშავე დაისჯება, უდანაშაულო ადამიანს არ ექნება უსამართლობის შიში, და ყველაფერს თავისი სახელი დაერქმევა"- განმარტავს ხუროშვილი.
„რამდენიმე შეკითხვა ნებისმიერ რესპოდენტს, მიუხედავად მისი პროფესიისა და პოლიტიკური კუთვნილებისა:მართლაც ვერ ვპოულობ ამ კითხვებზე პასუხს ?....
1. ნარკორეალიზატორი, რომ გამოდის ციხიდან ვადაზე ადრე- თანაც მისი პიროვნების გათვალისწინების გარეშე - რას ველოდებით მისი მომავალი საქმიანობიდან?- ლექციებს წაიკითხავს ამ დარგში თუ.......?
2. რატომ არის მიუღებელი ხელისუფლებისათვის დღეს იმ ბიზნესების მხარდაჭერა, და მასშტაბური ეკონომიკური ამნისტია , რომლის ზეწოლისაგან განთავისუფლების ეგიდით მოვიდა ახალი ხელისუფლება. ( არ მითხრათ შენ დაჩაგრეო!!!!)
3.რატომ არ აქვეყნებს შსს დამნაშავეობის შესახებ ქვეყანაში არსებულ სტატისტიკას? რა ხდება და რა მოხდება ქვეყანაში დამნაშავეობასთან ბრძოლის კუთხით?
4. როგორია პოლიციელთა და სამართალდამცავთა პოზიცია კრიმინალების მასობრივ განთავისუფლების ფაქტთან დაკავშირებით, და ხედავთ თუ არა საფრთხეს საზოგადოებაში რაიმე ტიპის დაპირისპირებებისა?
5. რატომ გახდა საჭირო პოლიციის, რომელსაც საქართველოს მოსახლეობის 95% ენდობოდა, რებრენდინგი და დაასახელეთ სისტემური პრობლემები პოლიციაში რის გამოსწორებასაც ელოდებით?
6. განათლების სფეროში რა უნდა შეიცვალოს მე პირადად ვერაფერი ვერ გავიგე გარდა იმისა ,რომ ახალი მინისტრის უნივერსიტეტმა დაჩქარებული წესით მიიღო აკრედიტაცია, ასევე გაიზარდა უმაღლესი სასწავლებლების დაფინანსება და სისტემური ხედვა დარჩა კვლავ ღია........
7. რატომ აღმოჩნდა პროკურატურა სასაცილო მდგომარეობაში და რატომ დააწესა მან საბაჟო გადასახადი პროკურატურის ეზოში შესვლისათვის, რომლის ოდენობაც 10 000-დან 20 000-მდე მერყეობს და მას გირაო ჰქვია? დადასტურებული ბრალდებით გამოსული კი იქედან ერთი ადამიანი არ მინახავს?
8. რატომ ვერ ან არ იჭერენ ნამდვილ დამნაშავეებს, რომლის სახელი და გვარი ნებისმიერმა საქართველოს მოქალაქემ იცის, რომელმაც საკუთარ თავზე განიცადა დანაშაული და მათ ნაცვლად მასობრივად იბარებენ ბიზნესმენებს მათ შორის მოდულის შენობაში.....
ეს არის იმ კითხვების ძალიან მცირე ჩამონათვალი, რომელზედაც ამდენი ხნის განმავლობაში ვცდილობ მივიღო პასუხი, მაგრამ ვერ მივიღე, ამიტომ გადავწყვიტე შევქმნა არასამთავრობო ორგანზაცია და თქვენთან ერთად, მეგობრებო, მათ შორის ახალ ხელისუფლებასთან ერთად გავაგრძელოთ ამ ქვეყნის შენება!!" - წერს გია ხუროშვილი საკუთარი Facebook -ის გვერდზე.