საგარეო საქმეთა მინისტრი მაია ფანჯიკიძე საკანონმდებლო ორგანოში ვერ ჩავა და ფრაქცია ,,ნაციონალური მოძრაობის" სხდომას ვერ დაესწრება. როგორც ,,ჯი-ეიჩ-ენთან" საუბარში საგარეო საქმეთა სამინიტროს პრესსამსახურის ხელმღვანელმა განაცხადა, მიზეზი დიდი ხნით ადრე დაგეგმილი მაია ფანჯიკიძის ოფიციალური შეხვედრებია.
,,საპარლამენტო უმცირესობას გუშინვე შევატყობინეთ, რომ მინისტრი საკანონმდებლო ორგანოსი წასვლას ვერ მოახერხებდა, რადგან დიდი ხნით ადრე დაგეგმილი ჰქონდა ოფიციალური შეხვედრები, რომელსაც ვერ გადადებდა", _განაცხადა საგარეო საქმეთა სამინისტროს პრესსამსახურის ხელმძღვანელმა მარიამ ნარჩემაშვილმა და აღნიშნა, რომ უახლოეს მომავალში შეთანხმდება ორივე მხარისთვის მისაღები თარიღი.
,,უახლოეს მომავალში ორივე მხარისთვის მისაღები დრო შეთანხმდება, როცა მინისტრის შეძლებს საპარლამენტო უმცირესობასთან შეხვედრას, _განაცხადა მარიამ ნარჩემაშვილმა.
შეგახსენებთ, რომ საპარლამენტო უმცირესობამ საგარეო საქმეთა მინისტრი მაია ფანჯიკიძე ლიტვაში მთიანი ყარაბაღის საკითხთან დკავშირებით გაკეთებული განცხადების გამო საკანონმდებლო ორგანოში ახსნა-განმარტებისთვის დაიბარა. მედიაში გავრცელებული ინფორმაციის თანახმად, ფანჯიკიძემ ლიტვაში განაცხადა, რომ ყარაბაღის კონფლიქტის დარეგულირება მხოლოდ აზერბაიჯანის ტერიტორიული მთლიანობის სასარგებლოდ არის შესაძლებელი. თუმცა ფანჯიკიძის განცხადებით მისი განცხადების არასწორად ინტერპრეტირება მოხდა.
