,,პროკურატურას ვიდეომასალის გავრცელებასთან დაკავშირებით მეტი ძალისხმევა და ყურადღება უნდა გამოეჩინა", _ განაცხადა ,,ჯი-ეიჩ-ენთან" საუბარში ,,კონსტიტუციის 42-ე" მუხლის წარმომადგენელმა მაკა გიოშვილმა პროკურატურის მიერ გავრცელებული ვიდეომასალის კომენტირებისას.
,,ვფიქრობ, პროკურატურას ვიდეომასალის გავრცელებასთან დაკავშირებით უფრო მეტი ძალისხმევა და ყურადღება უნდა გამოეჩინა. პროკურატურას შეეძლო კადრები გაევრცელებინა, მაგრამ მეტი ზომები უნდა მიეღო, რომ ვიდეომასალაში წარმოდგენილი ადამიანების იდენტიფიცირება შეუძლებელი ყოფილიყო. ამასთან შესაძლებელია დაისვას საკითხი თუ რაში დასჭირდა პროკურატურას ამ კადრების გავრცელება. პროკურატურის მხრიდან ვიდეომასალის გავრცელება თუ ემსახურებოდა გამოძეიბის ინტერესებს, მაშინ იდენტიფიცირების ყველანაირი შესაძლებლობა უნდა გამორიცხულიყო", _განაცხადა მაკა გიოშვილმა და აღნიშნა, რომ გავრცელებული ვიდეომასალის გავრცელების გამო პროკურორის თანამდებობრივი პასუხისმგებლობის საკითხის დაყენება ნაადრევია.
,,სამსახურეობრივი პასუხისმგებლობის საკითხის დაყენებაზე საუბარი ნაადრევია, რადგან იქამდე უნდა გამოიკვეთოს კადრების გავრცელებასთან დაკავშირებით განზრახულობის ნიშნები, შესასწავლი ბევრი სხვა დეტალიც, ამიტომ პროკურორის თანამდებობრივი პასუხისმგებლობის საკითხის დაყენება ნაადრევია", _ განაცხადა ,,ჯი-ეიჩ-ენთან" საუბარში ,,კონსტიტუციის 42-ე მუხლის წარმომადგენელმა მაკა გიოშვილმა.
შეგახსენებთ, რომ პროკურატურამ ვიდეომასალა გაავრცელა. სამართალდამცველების ინფორმაციით, მეგის ქარდავას დავალებით პოლიციის დეპარტამენტის მაღალი თანამდებობის პირები აგროვებდნენ ინფორმაციას სექსუალურ უმცირესობას მიკუთვნილ მამაკაცებზე. ფარულად და უკანონოდ იღებდნენ მათი ცხოვრების პირადი ამსახველ ვიდეომასალას, რის შემდეგაც კომპრომაციის მუქარით მათ აშანტაჟებდნენ და აიძულებდნენ ფარულ თანამშრომლობას.ამასთან საია-ს შეფასებით, პროკურატურისა და მედია-საშუალებების მიერ სექსუალური უმცირესობების წარმომადგენელთა პირადი ცხოვრების უფლების ხელყოფა მოხდა.
