იოსებ სტალინის დაბადების 133-ე წლისთავისადმი მიძღვნილი გამოფენის სტენდების დარბევის ფაქტზე სიმფეროპოლის სამართალდამცავებმა გამოძიება დაიწყეს.
სიმფეროპოლის ცენტრში მოწყობილი გამოფენის ორგანიზატორები შეეცადნენ, სტალინი წარმოეჩინათ როგორც "რუსეთის ცივლიზაციის ისტრორიაში, ყველაზე გამორჩეულ სახელმწიფო მოხელედ".
გამოფენის მიმდინარეობისას ახალგაზრდების ჯგუფმა ნეგატიური განწყობა გამოხატა. ისინი სკანდირებდნენ - "სტალინი, ჰიტლერი - ფაშისტები". შემდეგ მათვე დააშალეს სტენდები და "ბელადის" ფოტოებს სვასტიკები დაახატეს.
უნდა აღინიშნოს, რომ გამოფენას უარყოფითი შეფასება მისცა ყირიმელი თათრების მეჯლისმაც.
ყირიმის საკანონმდებლო ორგანოში განაცხადეს, რომ ასეთი გამოფენების ორგანიზება სუვერენული უკრაინის ტერიტორიაზე მიუღებელია. გამოფენა სრულიად რუსეთის ორგანიზაცია "სუტ ვრემენიმ" მოაწყო.
მასალის გამოყენების პირობები
