ჩრდილოეთ კორეის სამართალდამცავმა ორგანოებმა ამერიკის შეერთებული შტატების მოქალაქე დააკავეს, რომელსაც ბრალი რიგ დანაშაულებებში ედება. ამის შესახებ ინფორმაციას „ასოშეითედ პრესი" ავრცელებს. კონკრეტულად რა დანაშაულებზეა საუბარი, ამაზე ჯერჯერობით საჯაროდ არ საუბრობენ. ცნობილია მხოლოდ ის, რომ დაკავებულის სახელი და გვარია ბა ხუნ ხო და ქვეყანაში ის 3 ნოემბერს, ტურისტის სტატუსით ჩავიდა.
ჩრდილოკორეული მედიის ინფორმაციით, არსებობს გარემოებები, რომელიც დაკავებულის დანაშაულებს ამტკიცებს. უკანასკნელ წლებში, ჩრდილოეთ კორეაში ამერიკის შეერთებული შტატების რამდენიმე მოქალაქე დააკავეს. მათ უმრავლესობას ბრალად რელიგიური პროპაგანდა ან ჯაშუშობა წარედგინათ. ამას გარდა, ქვეყანაში პერიოდულად აკავებენ ჟურნალისტებსაც, რომელთაც, როგორც წესი, მცირე ხანში უშვებენ ხოლმე. აშშ-ის ოფიციალური პოზიცია ამ კონკრეტულ ფაქტზე, ჯერჯერობით, ცნობილი არ არის.
