გაეროს უშიშროების საბჭომ მალიში სამხედრო ოპერაციის ჩატარებაზე სანქცია გასცა. ინფორმაციას ამის შესახებ "ბი-ბი-სი" ავრცელებს. მათივე ინფორმაციით, გაეროს უშიშროების საბჭომ ერთხმად დაუჭირა მხარი აფრიკული კავშირის ჯარების მალის ჩრდილოეთში შეყვანას, რომელიც ამჟამად ისლამისტებისა და სეპარატისტების კონტროლის ქვეშ იმყოფება.
რეზოლუცია, რომელიც საფრანგეთმა მოამზადა, სანქციას აძლევს აფრიკული ქვეყნის მთავრობას, ნებისმიერი ზომები განახორციელოს იმისათვის, რათა ქვეყნის ჩრდილოეთი ნაწილი ამბოხებულებისგან გაათავისუფლოს.
ამასთან ერთად, გაეროს უშიშროების საბჭო ასევე აღნიშნავს, რომ უპირველეს ყოვლისა აუცილებელია პროგრესის მიღწევა პოლიტიკური დარეგულირების საკითხში, უზრუნველსაყოფია მოქალაქეთა თავისუფალი ნების გამოხატვის უფლება და მოსამზადებელი აფრიკული კავშირის ჯარი.
როგორც მოსალოდნელია სამხედრო ოპერაცია მალის ჩრდილოეთში 2012 წლის სექტემბრის თვეზე ადრე არ დაიწყება.
ამავდროულად , საერთაშორისო სააგენტოები, რომლებიც მალის დახმარებას უწევენ ყველას აფრთხილებენ, რომ სამხედრო შეჭრა ბოევიკების წინააღმდეგ სერიოზულ ჰუმანიტარულ სავალალო შედეგებს გამოიწვევს.
