225 კილომეტრის გაზსადენი, რომლის მშენებლობაც ირანმა დაიწყო, ერაყს გაივლის და სირიის საზღვრებამდე მივა. ამის შესახებ ტელეკომპანია „ალ ალამი" იუწყება. გაზსადენი ყოველდღიურად 25 მილიონი კუბამეტრის გაზს მიაწვდის ერაყს და სირიას. ახალი გაზსადენი ერაყის დედალაქ ბაღდადს გაივლის და სირიის საზღვრამდე მივა.
პროექტის დასრულება უკვე 2013 წლის შემოდგომაზე იგეგმება. ირანი, რუსეთის შემდეგ, მეორე ადგილზეა ბუნებრივი აირის მარაგით. ყოველდღიურად აქ დაახლოებით 600 მილიონი კუბამეტრის გაზს მოიპოვებენ. ამ გაზსადენით, რომლითაც ახლა მხოლოდ სირია და ერაყი ისარგებლებენ, მომავალში, ბუნებრივი აირი, შესაძლოა, ევროპასაც მიეწოდოს.
