საპარლამენტო უმცირესობა აცხადებს, რომ ხელისუფლებამ გამოაცხადა ბრძოლა წესების გარეშე, რის გამოც საპარლამენტო საქმიანობს წყვეტს და თბილისში ბრუნდება. დეპუტატთა ნაწილმა პარლამენტის შენობა უკვე დატოვა. უმცირესობის წევრებმა პარლამენტის შენობის დატოვებამდე სპეციალური განცხადება გააკეთეს.
უმცირესობის განცხადებით, დღეს რამდენიმე ისეთი მოვლენა მოხდა, რომელიც ახალი პოლიტიკური რეალობის დაწყებაზე მიუთითებს. კერძოდ, სააპელაციო სასამართლოს თავმჯდომარის დაკითხვაზე დაბარება, ქუთაისში პრეზიდენტისა და ოპოზიციონერი დეპუტატების წინააღმდეგ მიმართულ აქცია, რომელიც დაპირისპირებაში გადაიზარდა და ბოლოს, ნიკა გვარამიასა და ალექსანდრე ხეთაგურის დაპატიმრება.
"ქვეყანა მიადგა ზღვარს, როცა მთავრდება დემოკრატია და განსხვავებული პოლიტიკური შეხედულებების მქონე ადამიანების პოლიტიკური დევნა და განადგურება იწყება. ხელისუფლებამ გამოაცხადა ბრძოლა წესების გარეშე", - აცხადებს საპარლამენტო უმცირესობა.
საპარლამენტო უმცირესობა მიიჩნევენ, რომ მათ საპარლამენტო დემოკრატიის ფასადური იერსახე არ უნდა შექმნან და მიზანშეწონილია, თუკი პარლამენტში საქმიანობას შეაჩერებენ.
ამ ეტაპზე ცნობილი არაა, რა ფორმითა და მეთოდებით გააგრძელებს უმცირესობა პოლიტიკურ საქმიანობას.