თბილისის მერიის სატრანსპორტო სამსახურის უფროსის, აკაკი ჯოხაძის განცხადებით, მეტროპოლიტენის თანამშრომლებთან გარკვეულ ეტაპზე შეთანხმება მიღწეულია.
"გარკვეულ ეტაპზე შეთანხმება მიღწეულია. აზრთა სხვადასხვაობა რა თქმა უნდა არსებობს, რადგან სატრანსპორტო კომპანიებში მუშაობს 5094 ადამიანი. საკმაოდ დიდი კომპანიაა, შესაბამისად, ბუნებრივია, რომ 100% -ით კმაყოფილი ადამიანი იქ ვერ იქნება. ვფიქრობ, უახლოეს ხანებში, ამ კუთხით არანაირი პრობლემა მომავალში
აღარ იარსებებს'', - განაცხადა ჯოხაძემ შეხვედრის დასრულების შემდეგ.
სატრანსპორტო კომპანიაში ხელფასების 20%-იანი ზრდის გადაწყვეტილება თბილისისმთავრობამ უკვე მიიღო და დედაქალაქის 2013 წლის ბიუჯეტში შესაბამისი ხარჯები გათვალისწინებულია.
შეგახსენებთ: თბილისის მეტროპოლიტენის თანამშრომლები თბილისის სატრანსპორტო კომპანიის მიერ შეთავაზებული ხელფასების მატების სქემით უკმაყოფილონი არიან, მას არასამართლიანად მიიჩნევენ და გაფიცვით იმუქრებიან. შესაბამისი განცხადება თბილისის მეტროპოლიტენის პროფკავშირების ხელმძღვანელმა, ბესიკ ხარატიშვილმა, დღეს საკრებულოში ფრაქცია "ქართული ოცნება - თბილისელების" გაფართოებულ სხდომაზე გააკეთა.
ხარატიშვილის განცხადებით, მეტროპოლიტენში დასაქმებულ დაბალხელფასიან თანამშრომლებს ხელფასი 30%-ით ეზრდებათ, ხოლო მძიმე და მავნე პირობებში მომუშავეებს მხოლოდ ფიქსირებული ყოველთვიური სახელფასო დანამატი - 30 და 38 ლარის ოდენობით მიეცემათ.
ხარატიშვილის თქმით, მძიმე და მავნე პირობებში მომუშავეთა მდგომარეობა არ გაითვალისწინეს არც ივლისში ხელფასების მატების დროს. ხარატიშვილის მიიჩნევს, რომ დასაქმებულთა კლასი და თანრიგი პროფესიონალიზმის მაჩვენებელია და ხელფასების მატება სწორედ ამ ნიშნით უნდა მოხდეს.
ხარატიშვილის განცხადებით, ორ კვირიში მოთხოვნების დაუკმაყოფილებლობის შემთხევვაში, გამაფრთხილებელი გაფიცვა გაიმართება.
