ერაყის 79 წლის პრეზიდენტი, ჯალიალ თალაბანი გადატანილი ინსულტის შემდეგ კომაში იმყოფება. ამის შესახებ ინფორმაციას "ბი-ბი-სი" ავრცელებს. პრეზიდენტის ოფიციალურ საიტზე ნათქვამია, რომ ის ორშაბათს გადაღლილობის და სისუსტის დიაგნოზით იქნა ჰოსპიტალიზირებული. უკანასკნელ წლებში თალაბანი ჯანმრთელობის პრობლემებს უჩიოდა და მკურნალობის კურსს უცხოეთში გადიოდა. ამ დროისათვის, ექიმების ჯგუფი პრეზიდენტის მდგომარეობის სტაბილიზირებას ცდილობს.
ქურთების თავისუფლების და თვიგამორკვევის მოძრაობის ვეტერანი, ჯალიალ თალაბანი ერაყის პირველი პრეზიდენტი გახდა, რომელიც ეთნიკურ უმცირესობას წარმოადგენდა. ერაყში, 2003 წელს კოალიციის ჯარების შეჭრის შემდეგ, მან თავის თავზე პრეზიდენტის მოვალეობა აიღო, რომელიც თავდაპირველად ცერემონიალურ ხასიათს ატარებდა. 2005 წელს თალაბანმა ერაყის ყოფილი ლიდერის სადამ ჰუსეინის სასიკვდილო განაჩენს მოაწერა ხელი.
2010 წელს, ის ხელახლა აირჩიეს პრეზიდენტად, ერაყის პარლამენტის აბსოლუტური უმრავლესობის მიერ.
