უახლოეს მომავალში, ირანი კოსმოსში საკუთარი თანამგზავრის გაშვებას გეგმავს, ბორტზე მაიმუნით. ამის შესახებ თეირანის ტექნოლოგიურ უნივერსიტეტში გამოსვლისას, ისლამური რესპუბლიკის კოსმოსური სააგენტოს ხელმძღვანელმა, ჰამიზ ფაზელიმ განაცხადა. მისივე განმარტებით, ორბიტაზე გაფრენისთვის უკვე ყველაფერი მომზადებულია.
მისი თქმით, მაიმუნს კოსმოსში რაკეტა-თანამგზავრი "ფშიგამი" წაიყვანს. ირანს ერთი მცდელობა მაიმუნის კოსმოსში გაშვებისა, უკვე ჰქონდა, თუმცა, ის პრიმატისთვის საბედისწეროდ დასრულდა. როგორც მაშინ ირანის ხელისუფლებამ განაცხადა, ამის მიუხედავად, ამ თემაზე მუშაობა გაგრძელდებოდა.
ირანის ხელისუფლებამ კოსმოსურ სააგენტოს უფრო გრძელვადიანი გეგმებიც დაუსახა. 2012 წლისათვის, პირველი კოსმოსური პილოტირებული გაფრენა იგეგმება. პრეზიდენტი მაჰმუდ აჰმადინეჯადი კი ირწმუნება, რომ უკვე 2015 წელს ირანს თავისი შექმნილი კოსმოსური ხომალდი ეყოლება.
მასალის გამოყენების პირობები
