მთავარი პროკურორის ყოფილი მოადგილე და მოქმედი დეპუტატი დავით საყვარელიძე მზადაა ყველა შეკითხვას, რომელიც საგამოძიებო ორგანოებს აინტერესებთ პასუხი საჯაროდ გასცეს.
როგორც ჟურნალისტებთან საყვარელიძემ განაცხადა მისი დაბარება ფინანსთა სამინისტროს საგამოძიებო სამსახურში პოლიტიკური მოტივაციითაა განპირობებული.
,,ფინასური პოლიციისგან მივიღე სიურპრიზი უწყების სახით, სადაც ჩემი მერიაში საქმიანობასთან დაკავშირებით დაბარებული ვარ მოწმის სტატუსით. Mმე როგორც ყოფილი პროკურორი პატივს ვცემ ყველა საგამოძიებო სტრუქტურას და პატივს ვცემ გამოძიებას, მაგრამ ეს არ არის ჩვეულებრივი გამოძიება. ეს არის პოლიტიკურად მოტივირებული პროცესი და ბატონ ბიძინა ივანიშვილის დაკვეთა პოლიტიკური ოპონენტების წინააღმდეგ, განსაკუთრებით ჩემი პირადი განცხადებების შემდეგ. ამიტომ პოლიტიკურ დევნას საჯაროდ ვპასუხობ. Nნებისმიერ ჩემს მიერ ხელმოწერილი დოკუმენტი, რომელიც მერიაში იყო არის საჯარო. Aამიტომ ვაცხადებ მზადყოფნას ნებისმიერი შეკითხვა გამომიგზავნონ საჯაროდ და მეც საჯაროდ გავცემ ამ შეკითხვებს პასუხს რაც საზოგადოებას აინტერესებს", - განაცხადა საყვარელიძემ.
შეგახსენებთ, რომ დავით საყვარელიძე რიყის ტერიტორიის გასხვისებასთან დაკავშირებით ფინანსთა სამინისტროს საგამოძიებო სამსახურშია დაბარებული.