ნოემბრში უძრავი ქონების ბაზარზე სარეგისტრაციო ტრანზაქციათა რაოდენობამ ქვეყნის მასშტაბით 41 260 ერთეული შეადგინა. საჯარო რეესტრის ეროვნული სააგენტოს ინფორმაციით, ნოემბერი 2007-2011 წლების იმავე თვესთან შედარებით ცალსახა ზრდით გამოირჩევა: 2007 წლის ნოემბერთან (23 943 ერთეული სარეგისტრაციო ტრანზაქცია) შედარებით - ზრდა 72.3%-ით, 2008 წლის ნოემბერთან (25 076 ერთეული სარეგისტრაციო ტრანზაქცია) შედარებით - ზრდა 64.5%-ით, 2009 წლის ნოემბერთან (29 484 ერთეული სარეგისტრაციო ტრანზაქცია) შედარებით - ზრდა 39.9%-ით, 2010 წლის ნოემბერთან (34 913 ერთეული სარეგისტრაციო ტრანზაქცია) შედარებით - ზრდა 18.2%-ით და 2011 წლის ნოემბერთან (40 381 ერთეული სარეგისტრაციო ტრანზაქცია) შედარებით - ზრდა 2.2%-ით.
სააგენტოს ინფორმაციით, წინა თვესთან შედარებით სარეგისტრაციო ტრანზაქციების რაოდენობა 1.3%-ით შემცირდა: კლება დაფიქსირდა პირველადი (18.0%-ით), ხოლო ზრდა - მეორადი (0.9%-ით) სარეგისტრაციო ტრანზაქციების რაოდენობაში. 2012 წლის ნოემბრში წინა თვესთან შედარებით სარეგისტრაციო ტრანზაქციების თვის ინდექსი (დეკემბერი 2007=100) დაფიქსირდა 1.330 დონეზე, რაც აღემატება წინა წლის იმავე თვის
ინდექსს (1.302). აშკარაა, რომ წინა წლის იმავე თვესთან შედარებით შემცირდა უძრავი ქონების პირველადი (44.7%-ით), ხოლო გაიზარდა მეორადი (12.2%-ით) ბაზრები. 2012 წლის ნოემბრის თვეში პირველადი სარეგისტრაციო ტრანზაქციების რაოდენობამ - 3 938, ხოლო მეორადი სარეგისტრაციო ტრანზაქციების რაოდენობამ - 37 322 ერთეული შეადგინა; სარეგისტრაციო ტრანზაქციების თვის ინდექსი (დეკემბერი 2007= 100) კი პირველადი და მეორადი სარეგისტრაციო ტრანზაქციების მიხედვით შესაბამისად 0.423 და 1.719 დონე- ებზე დაფიქსირდა.
რაც შეეხება პირველად და მეორად სარეგისტრაციო ტრანზაქციებს შორის თანაფარდობას, წინა თვეს- თან შედარებით მნიშვნელოვნად გაიზარდა მეორადი სარეგისტრაციო ტრანზაქციების წილი: ნოემბერში განხორციელებული სარეგისტრაციო ტრანზაქციების 90.5%-ს მეორადი, ხოლო 9.5%-ს - პირველადი სარეგისტრაციო ტრანზაქციები შეადგენდნენ (2011 წლის ნოემბერში კი - შესაბამისად 82.4% და 17.6%)
