დუბლინში გამართულ სუამ-ის საგარეო საქმეთა მინისტრების საბჭოს სხდომაზე, საქართველომ 2013 წელს სუამ-ის თავმჯდომარეობა ჩაიბარა. ამის შესახებ დღეს გამართულ პრესკონფერენციაზე საქართველოს საგარეო საქმეთა მინისტრმა მაია ფანჯიკიძემ განაცხადა.
მისი თქმით, მუშაობა გაგრძელდება ორგანიზაციის გაფართოების კუთხით.
"ჩვენ ახალი პრიორიტეტები გვექნება. ვეცდებით, რომ იმ ფარგლებში, რომელშიც ვმუშაობთ, კიდევ უფრო გავაფართოვოთ ეს მუშაობა. მაგალითად, ეს შეეხება სამხრეთ კორეასთან ურთიერთობას, რომელიც შეიძლება სუამ-ის ახალი პარტნიორი გახდეს", - განაცხადა ფანჯიკიძემ.
