საქართველოში ისრაელის საგარეო საქმეთა მინისტრის ავიგდორ ლიბერმანის ვიზიტი გადაიდო, _ აღნიშნულის შესახებ ჟურნალისტებთან ისრაელის საგანგებო და სრულუფლებიანმა ელჩმა საქართველოში იუვალ ფუქსმა განაცხადა, რომელმაც ვიზიტის გადადების მიზეზები არ დააკონკრეტა.
შეგახსენებთ, რომ ისრაელის საგარეო საქმეთა მინისტრის ავიგდორ ლიბერმანის საქართველოში ვიზიტი წლის ბოლომდე უნდა შემდგარიყო.
"ახლა ვამზადებთ პრემიერ-მინისტრის მოადგილისა და საგარეო საქმეთა მინისტრის, ლიბერმანის ვიზიტის საქართვლოშო, რომელიც, სავარაუდოდ, წლის ბოლომდე შედგება. ეს იქნება პირველი ამ დონის ვიზიტი გარკვეული პერიოდის შემდეგ და ჩვენ ამ ვიზიტზე ვმუშაობთ", - განაცხადა ფუქსმა "ჯი-ეიჩ-ენთან" ინტერვიუში და აღნიშნა, რომ ლიბერმანის საქართველოში ვიზიტი ხელს შეუწყობს ორ ქვეყანას შორის ურთიერთობის გაღრმავებას.
