საქართველოს პრეზიდენტმა მიხეილ სააკაშვილმა არსენი იაცენიუკის ფონდის - "აღმოაჩინე უკრაინა" - დიპლომატიური კლუბის ინიციატივით გამართულ შეხვედრაში მიიღო მონაწილეობა.
სააკაშვილმა შეხვედრის მონაწილეებთან ერთად საქართველოში მთავრობის დემოკრატიული გადაცემის პროცესი, საპარლამენტო არჩევნები და ქვეყანაში ბოლო დროს განვითარებული მოვლენები განიხილა. კლუბის მიერ ორგანიზებული შეხვედრის დისკუსიის თემა იყო "რეგიონი გზაჯვარედინზე: ევროპული პერსპექტივა საქართველოსა და უკრაინისთვის".
პრეზიდენტის გამოსვლის შემდეგ შეხვედრა კითხვა-პასუხის ფორმატით გაგრძელდა. ექსპერტებთან ერთად, დისკუსიას უკრაინის პირველი პრეზიდენტი ლეონიდ კრავჩუკი (1991-1994წ.წ.) ესწრებოდა.