ქართული ღვინის ექსპორტი 15%-ით გაიზარდა. "საქსტატის" ინფორმაციით, 2012 წლის იანვარ-სექტემბერში საქართველოდან უცხოეთის ბაზრებზე 13,491 მლნ ლიტრი ღვინოა ექსპორტირებული, ეს იმ ფონზე, როდესაც 2011 წლის ანალოგიურ პერიოდში უცხოეთის ბაზრებზე 11,658 მლნ ლიტრი ღვინო გადაიზიდა. სტატისტიკის ეროვნული სამსახურის განმარტებით. იანვარ-სექტემბრის მონაცემებით, ქართული ღვინის საექსპორტო გეოგრფია საანგარიშო პერიოდში 37 ქვეყანას აჭარბებს, თუმცა ქართული ღვინისთვის ძირითად საექსპორტო ბაზრად მაინც უკრაინა რჩება, რაზეც მთლიანი ექსპორტის 51%-ით მოდის.
„საქსტატის" ინფორმაციით, უკრაინის ბაზარზე 6,926 მლნ ლიტრი ქართული ღვინო შევიდა. საექსპორტო ბაზრების მხრივ მეორე ადგილზე ყაზახეთია - 1,789 მლნ ლიტრით, ხოლო მესამე ბელარუსია - 1,439 მლნ ლიტრით.
