მოვუწოდებ ყველა პარტიას საქართველოში, ერთად იღვაწონ დემოკრატიის უმაღლესი სტანდარტების მისაღწევად , - წერს ნატო-ს გენერალური მდივანი ანდერს ფოგ რასმუსენი სოიალურ ქსელ "ტვიტერ"-ის გვერდზე. რასმუსენმა საქართველოს პრეზიდენტს, მიხეილ სააკაშვილს არჩევნების წარმატებით ჩატარება კიდევ ერთხელ მიულოცა და გამოხატა ნატო-ს მხარდაჭერა საქართველოს მიმართ.
შეგახსენებთ, რომ ნატო-ს გენერალური მდივანმა განცხადება გააკეთა და არჩევნების შედეგად მოსული ახალი მთავრობის მიერ ოპონენტების დაკავების გამო შეშფოთება გამოთქვა. რასმუსენმა საქართველოს მთავრობას მოუწოდა, რომ სასამართლო პროცესები პოლიტიკური ჩარევისგან თავისუფალი იყოს.
"მე უკიდურესად შეწუხებული ვარ არჩევნების შემდეგ განვითარებული მოვლენებით, რომელიც საქართველოში პოლიტიკური ოპონენტების დაკავებას უკავშირდება. ამ საკითხების გადაწყვეტა სასამართლო სისტემის პრეროგატივაა, მაგრამ ცხადია, მნიშვნელოვანია, რომ ასეთი საქმეები პოლიტიკური ჩარევის გარეშე განიხილებოდეს. ჩვენ განსაკუთრებული ყურადღებით დავაკვირდებით მოვლენების განვითარებას ამ მიმართულებით", - განაცხადა რასმუსენმა პრაღაში, ნატო-ს საპარლამენტო ასამბლეის სხდომაზე.