პრაღაში ნატოს საპარლამენტო ასამბლეის დასასრულს აღმოსავლეთ სამეზობლოში დემორკატიის მომავლის შესახებ რეზოლუცია მიიღეს.
რეზოლუციის რამდენიმე პუნქტი საქართველოს ეხება, ერთ-ერთი პუნქტი დოკუმენტში ასაბლეის დასრულებამდე რამდენიმე წუთით ადრე დაამატეს. რეზოლუცია ალიანსის 28 წევრი ქვეყნის პარლამენტარებმა ერთხმად დაუჭირეს მხარი.
"ნატოს საპარლამენტო ასამბლეა შეშფოთებას გამოხატავს ადგილობრივი თვითმმართველობის ინსტიტუტებსა და საქართველოს საზოგადოებრივ მაუწყებელზე ზეწოლის შესახებ გავრცელებული ცნობების გამო და მოუწოდებს ახალ მტავრობას, პოლიტიკურად მოტივირებული დაჭერებისგან თავი შეიკავოს",- ნათქვამია რეზოლუციის ტექსტში.
12-პუნქტიან რეზოლუციაში ნატოს საპარალემტო ასამბლეა დადებითად აფასებს საქართველოში ჩატარებულ საპარლამენტო არჩევნებს და აცხადებს, რომ პროცესი დემორკატიულად ჩატარდა. გარდა ამისა, რეზოლუციაში ნათქვამია, რომ
"ნატოს საოარლამენტო ასამბლეა მოუწოდებს ჩრდილო ატლანტიკური ალიანსის წევრი სახელმწიფოების მთავრობებს, პარლამენტებს და ნატოს მიიწვიოს საქართველო ბუქარესტის და ჩიკაგოს სამიტების გადაწყვეტილებების შესაბამისად და მისი დემოკრატიული პროგრესის აღსანიშნავად და გადადგას ნაბიჯი წინ საქართველოს ევროატლანტიკური ინტეგრაციისკენ. განიხილოს მისთვის გაწევრიანების სამოქმედო გეგმის მინიჭება, რათა უზრუნველყოს მისი პოლიტიკური და ინსტიტუციური რეფორმების უფრო მრავლისმომცველი და სიღრმისეული განხორცილება".
რეზოლუცია იტალიის დელეგაციის საპარლამენტო წევრის მიერ იყო ინიცირებული.