მიმდინარე საშემოდგომო სესიის განმავლობაში ბიუროს სხდომები გაიმართება ორშაბათობით 17:00 საათზე, ნაცვლად 15:00 საათისა. საჭიროების შემთხვევაში შესაძლებელი იქნება აღნიშნული თარიღების შეცვლა, რაზეც გადაწყვეტილება დამატებით იქნება მიღებული.
ბიურომ მორიგი კვირის პლენარული სხდომის დღის წესრიგში შეიტანა ფრაქცია ,,ქართული ოცნების" მიერ წამოყენებული საკითხი ,,საქართველოს პარლამენტის ტერიტორიული მთლიანობის აღდგენის საკითხთა დროებითი კომისიის" შექმნის შესახებ.
პარლამენტის თავმჯდომარემ, დავით უსუფაშვილმა განაცხადა, რომ მიმდინარე კვირის ოთხშაბათს საქართველოს პარლამენტს სამოქალაქო საზოგადოების წარმომადგენელთა დიდი ჯგუფი ესტუმრება. ,,ეს არის ჩვენი პირველი შეხვედრა არასამთავრობო სექტორის წარმომადგნელებთან, რომელზეც არც ერთი საკითხის შინაარსობრივი განხილვა არ მოხდება. დაგეგმილია მხოლოდ ჩვენი ურთიერთობის ფორმატის განსაზღვრა, პროცედურებისა და საკითხების გაცნობა",-აღნიშნა დავით უსუფაშვილმა.
მასალის გამოყენების პირობები