"ვიანორი" საქართველოში "ავტოექსპრესის" ექსკლუზიური პროდუქტების გარდა, "ნოკიანის" და "ნორდმანის" ფირმის პრემიუმ კლასის საბურავებს შესთავაზებს მომხმარებელს და ავტომომსახურების ახალ სტანდარტებს დანერგავს.

"ვისოლ ჯგუფსა" და "ვიანორს" შორის ურთიერთთანამშრომლობის მემორანდუმი დღეს გაფორმდება, რომელსაც კომპანია „ვიანორის" ვიცე-პრეზიდენტი და მენეჯმენტის სხვა მაღალი რანგის წარმომადგენლებიც ესწრებოდნენ.

როგორც „ვისოლ ჯგუფის" პრეზიდენტი სოსო ფხაკაძე განმარტავს, დღეისათვის არსებული 15 „ავტოექსპრესის" რებრენდინგი უახლოეს დღეებში დაიწყება და სულ მალე ქვეყნის მასშტაბით „ავტოექსპრესებს" „ვიანორი" შეცვლის, რომელმაც „ვისოლ ჯგუფს" ფრანჩაიზა უკვე მიყიდა.

„მოხარულნი ვართ, რომ "ვისოლ ჯგუფი" კიდევ ერთი მულტინაციონალური კომპანიის წარმომადგენელი გახდა საქართველოში. „ვიანორი" Nokian Tyres-ის ჯგუფის წევრია და 24 ქვეყანაში 1000-მდე მეტ ავტო მომსახურეობის ცენტრებს ფლობს. კომპანიის შემოსვლა საქართველოში „ავტოექსპრესის" ერთგული მომხმარებლისთვის პროდუქტებისა და მომსახურეობის ახალ არჩევანსა და სტანდარტებს ნიშნავს.
როდესაც ჩვენ „ტოტალთან" თანამშრომლობა დავიწყეთ, ეს ურთიერთობები იმდენად მჭიდრო აღმოჩნდა, რომ სულ მალე „ტოტლათან" ერთად სხვა პროექტების განხორციელებაც დავიწყეთ. სწორედ "ტოტალმა" შემოგვთავაზა მისი ლოგოს ქვეშ „ავტოექსპრესები" გაგვეხსნა და მომხმარებლებისათვის სხვადასხვა პროდუქტები და სერვისები შეგვეთავაზებინა. როდესაც უკვე გავაკეთეთ 15 ასეთი ცენტრი, თავად „ტოტალმა" გვირჩია, რომ ურთიერთობა დაგვემყარებინა მულტინაციონალურ კომპანიასთან, რომელიც მსოფლიოს 24 ქვეყანაში ანალოგიურ ბიზნესს უკვე აწარმოებდა. „ვიანორთან" თავად „ტოტალმა" დაგვაკავშირა და საბოლოოდ გარიგებაც შედგა. 2013 წლის ბოლომდე ქვეყანაში 20 მომსახურეობის ცენტრი გაიხსნება, რაღათქმა უნდა „ვიანორის" ბრენდის ქვეშ"- აცხადებს „ვისოლ ჯგუფის" პრეზიდენტი სოსო ფხაკაძე.

პირველ ეტაპზე „ვიანორი" ვაშლიჯვარსა და ავჭალაში მდებარე „ავტოექწსპრესის" მომსახურეობის ცენტრებს ჩაანაცვლებს. მომავალი წლის ბოლომდე კი „ვიანორის" 20 მომსახურეობის ცენტრი „ნოკიანის" და „ნორდმანის" ფირმის პრემიუმ კლასის საბურავების გარდა, მომხმარებლებს უმაღლესი ხარისხის „ტოტალისა" და „ფინას" ფრანგულ საავტომობილო ზეთებს და სხვა საპოხ მასალებს, „ფრამის" საავტომობილო ფილტრებს, „ენერჯაიზერის" ბრენდის აკუმლატორებს, „ატეს", „ტექსარის" და „აბს-ს" ფირმის ხუნდებსა და ვულკანიზაციისა და ბალანსირების სრული მომსახურეობაც შესთავაზებს. „ვიანორში" საბურავების სასტუმროც შეიქმნება, სადაც მომხმარებელი სეზონური საბურავების შენახვას შეძლებს.
„ვიანორი" საბურავების ერთ-ერთი მსხვილი მწარმოებელია მსოფლიოში. კომპანია ერთადერთია მსოფლიოში, რომელიც ჩრდილოეთის მკაცრ კლიმატურ პირობებზე გათვლილ საბურავებს აწარმოებს. სწორედ აქედან მოდის კომპანიის დასახელებაც. Via Nor ლათინური სიტყვებია და ჩრდილოეთის გზას ნიშნავს. 2012 წელს Nokian Tyres-ის ზამთრის საბურავები მსოფლიოს წამყვანი ავტოჟურნალების - Auto Motor unda Sport, Autobild, TCS ექსპერტებმა თოვლზე, ექსტრემალურ პირობებში გამოცდის შემდეგ ყველაზე უსაფრთხოდ აღიარეს.