დღეს, 7 ნოემბერს, საფრანგეთის მინისტრთა კაბინეტი ქვეყანაში ერთსქესიანი ქორწინების ლეგალიზაციის გეგმას განიხილავს. საფრანგეთის პრეზიდენტმა ფრანსუა ოლანდმა წინასაარჩევნო კამპანიისას პირობა დადო ერთსქესიანი წყვილების უფლებების გაზრდის და სექსუალური უმცირესობიოს წარმომადგენლების მიერ ბავშვების შვილად აყვანის უფლების მინიჭების შესახებ.
საფრანგეთში ნებადართულია ჰომოსექსუალური წყვილების მიერ სამოქალაქო კავშირების გაფორმება.
მთავრობის ამ ინიციატივას არაერთგვაროვანი შფასებები მოჰყვა საფრანგეთის საზოგადოებაში. პარიზის კათოლიკური ეპარქიის არქიეპისკოპოსმა ანდრე არმან ვენ-ტურამ მრევლს პროტესტის გამოხატვისკენ მოუწოდა. მისი აზრით, ასეთი სახის კავშირები შეარყევს საზოგადოებრივ ბალანსს.
საფრანგეთის პარლამენტი ლგბტ-ს წევრების საქორწინო ურთიერთობების საკითხს 2013 წელს განიხილავს.
