,,არჩევანი გაკეთდა უფრო ახალგაზრდაზე", - განაცხადა ჟურნალისტებთან ბიძინა ივანიშვილმა აჭარის მთავრობის ხელმძღვანელის თანამდებობაზე არჩილ ხაბაძის წარდგენის კომენტირებისას.
"არჩევანი გაკეთდა უფრო ახალგაზრდაზე არჩილ ხაბაძეზე, თუმცა ბატონი ჯემალი არაფრით ნაკლები არ არის. შევთანხმდით, რომ ჩემთვის ყველაზე ძვირფასი და სანუკვარი რაც არის თადარიგს ვიტოვებ და ზოგჯერ საუკეთესოზეც ვიტოვებ თადარიგს", _ განაცხადა ივანიშვილმა.
შეგახსენებთ, რომ ლევან ვარშალოლომიძის შემცვლელად სამი კანდიდატურა განიხილებოდა, მათ შორის ბანკი "ქართუს" აჭარის ფილიალის მმართველი არჩილ ხაბაძე, პოლიტიკური სწავლების სკოლის დამფუძნებელი და დირექტორი არმაზ ახვლედიანი და აჭარის უმაღლესი საბჭოს წევრი ჯემალ ფუტკარაძე.