იუსტიცის მინისტრმა თეა წულუკიანმა პრეზიდენტს მთავარი პროკურორის თანამდებობაზე დასამტკიცებლად არჩილ კბილაშვილის კანდიდატურა წარუდგინა და მურთაზ ზოდელევას თანამდებობიდან გათავისუფლების თხოვნით მიმართა.
როგორც "ჯი-ეიჩ-ენს" იუსტიციის სამინისტროს საზოგადოებასთან ურთიერთობის სამსახურში განუცხადეს, მინისტრს თავად სურდა მურთაზ ზოდელავასთვის ეცნობებინა თანამდებობიდან გათავისუფლების შესახებ, თუმცა იმ მიზეზით, რომ რამდენიმე დღეა მთავარი პროკურორი საქართველოში არ იმყოფება, მასთან შეხვედრა ვერ მოხერხდა.
მათივე ინფორმაციით, წულუკიანმა შეხვედრა მთავარი პროკურორის მოადგილეებთან გამართა.
